九紋龍重遇皇子哥!不過今次唔係喺九龍冰室,而係喺澳門。
新婚嘅鄭伊健,返到嚟香港已經馬不停蹄開工喇,今日佢就現身澳門喜來登金沙城中心酒店出席活動,同場更有黃品源、吳宗憲、陳小春、杜汶澤、朱茵等。伊健見到十年前合演電影《九龍冰室》嘅黃品源同杜汶澤,即時開心到將合照上載到微博。伊健話:「十年後,九龍冰室再遇……品源」,相中見到「皇子」(黃品源所演角色)同「九紋龍」跟十年前相比同樣冇分別,果然「天生麗質」。
至於陳小春、杜汶澤亦同「大佬」合照,不過佢哋兩位就不及「大佬」keep得咁好喇。阿澤肥咗唔少,小春就殘咗好多,唔知佢哋有冇意思拍返套新嘅《古惑仔》呢?