喺基斯坦奴朗拿度（C朗）日前大演帽子戲法後，宿敵美斯立即行動回應，一樣戴帽，令到巴塞隆拿打吡戰大炒愛斯賓奴。老實講，今時今日球壇，搵美斯同C朗開壇拗邊個勁啲，都已經拗咗好幾年，適逢明年頒世界金球獎，又係呢兩位人兄爭，所以兩邊粉絲都各有各撐，仲幾重火藥味；因為兩大球王西甲帽子戲法次數追得好貼，C朗就23次，美斯有21次。

不過，粉絲們已經唔係講求「戴帽」次數多少咁簡單，仲要夠「乾淨」，美斯21次「戴帽」中，就只有4次包含12碼，反而C朗多達14次要靠12碼，先至可以完成帽子戲法，咁啱C朗日前又疑似禁區內插水，所以唔少網民就指C朗「戴帽」唔夠美斯「乾淨」咁話，完全係penaldo（penalty+ronaldo）喎！咁就真係唔知美斯定C朗迷有理？

雨傘革命: http://umbrella.appledaily.com