現年29歲嘅過氣偶像奧遜姊妹花的「細孖」瑪莉姬蒂奧遜（Mary-KateOlsen），被指於上周五與拍拖3年嘅46歲法國銀行家男星OlivierSarkozy，喺曼克頓私人住所舉行婚禮。《紐約郵報》報道，瑪莉姬蒂同Olivier只係邀請咗50名賓客，喺家中一齊聚餐後，在花園飲酒聊天，賓客入住所前都要關掉電話。據悉當晚所有人都狂扯煙，現場有好多煙灰缸都裝滿煙頭。

今次係瑪莉姬蒂首次結婚，Olivier之前已結過一次，與前妻有兩子女。由於瑪莉姬蒂生得細粒，個樣又細個，搞到年齡相差17年嘅佢同Olivier好似兩父女。Olivier來頭唔細，係法國前總統薩爾科齊（NicolasSarkozy）同父異母細佬。