當晚大約7點,束馬尾、一身街坊裝嘅陳伶俐,撇甩同劉頌銘生嘅8個月大B仔,帶住Lincoln、Yohji同老公一齊去銅鑼灣搵食,最後一行四人去咗邊寧頓街一間專食咖喱嘅餐廳食晚飯。
由於餐廳位於馬路邊,劉頌銘當晚直接將車停泊喺餐廳門口,陳伶俐落車後同Yohji先入去攞位,Lincoln就唔介意吸二手煙,陪劉頌銘喺門口煲煙,然後先入餐廳。
食飯期間,見兩兄弟同劉頌銘好好傾,三個人成日講到哈哈笑,反而陳伶俐就冇乜搭嘴,全程不停食,食完就拿拿臨埋單走人,不過劉頌銘煙癮都幾大,飯前飯後唔夠一個鐘,離開時又再點煙,今次陳伶俐就同埋兩個仔一齊陪佢慢慢煲,之後先一齊返上車走人。
採訪、攝影:李志明、陳辰、梁繼光