昨日目擊消防救火的南生圍原居民方先生（被街坊暱稱南生圍佬），今午重返火場，看見樹林被燒成焦土，感到無奈可惜。「我噚日5點幾嚟到，已經燒梗，風頭火勢，消防員係度搶救，用火拍，因為冇水，好難救火，直升機協助掟水彈，消防用火拍拍唔晒，要用車泵泵漁塘水嚟救。」

方生表示每日會經過漁塘，幫手捉魚，昨日到來時已見三個火頭，他認為起火原因有可疑，「人為多，冇理由無端端整場大火，三幾年整一場，三幾年整一場，燒一燒冧幾棵樹，好可惜，久唔久就燒，懷疑（縱火）實會有，冇理由火頭周圍有，或有人掟嘢落去。本來大片綠色地帶，燒到冇晒，有人得益，有人覺可惜！」他指好多人想保育這區，「但冇辦法，地產商申請起樓，好多團體反對，希望可以保留畀雀鳥棲息！」

你敢爆，我敢獎！ 即Call《蘋果》24小時爆相爆片熱線 ：63836568