日本女星片瀨那奈曾經備受力捧，初入行時更以索女形象發展，可惜一直無緣登上一線，仲越演越多騎呢角色，唔止為真人版電影《變態超人》系列化身變態SM女王，又喺《喪屍末日戰》中忘我演喪屍，最近佢又為新劇《軟飯男》有突破性演出，以36歲嘅年紀扮成超齡高中女學生。

由窪田正孝主演嘅朝日電視台新劇《軟飯男》於上月底開播，昨晚播出第二集，片瀨那奈飾演川口春奈家姐，為交代劇中嘅回想情節，片瀨那奈穿上校服扮學生妹登場，雖然長腿及高挑身材夠晒睇頭，但當佢拍住年輕貌美嘅川口春奈，扮起後生來明顯較為吃力。

精選娛聞，喺晒《娛果》
http://fb.com/appledailyent