繼上星期搵半裸模特兒賣新3G手機震撼全城後,黎大鈞嗰檔數碼通,又搞新意思,今次有益身心兼造福下一代,就係搞小朋友──足球培育計劃!
數碼通噚日喺香港華仁書院,舉行「Smartone-Vodafone青少年培育計劃」曼聯足球學校選拔賽,選出六十位有足球天份嘅八至十五歲青少年,免費參加○五至○六年度曼聯足球學校課程。分數最高嗰位,可以飛去英國曼徹斯特,參加其中一場英超聯賽前舉行嘅○六年度曼聯足球學校精英大賽!
數碼通搵埋一班球壇名人山度士、陳譚新、潘源良同埋前曼聯足球先生德士貝利(MickDuxbury)負責面試同埋示範。
成個event的確幾吸引,話晒踢得叻啲,可以飛去英國(係英國唔係北角),八方就一定會參加──如果個選拔賽係喺好多好多年前舉辦嘅話!
傳真︰2623-9278
電郵︰
[email protected]