【拆機解構】
為了解首部山寨iPhone 7 Plus是否如成龍所言「中國的會爆炸」，記者找來手機維修師傅拆機，發現機內零件熟口熟面，因為全都是兩年前的iPhone 6 Plus山寨機件，當中最危險是鋰電池只連接正負極線，無接地線，隨時發生短路燒機，全機成本約200多元。

雙鏡頭裝假狗

「嘩！好流呀個殼。」月拆500部手機的先達維修王葉師傅入行逾10年，他甫拆開山寨機即發現僅機身螺絲沿用iPhone的五角螺絲，內部全用普通螺絲，此外鏡頭漏洞最大：「個雙鏡頭『裝假狗』喎，一邊都冇駁線得個膠殼！」鋰電池就存在最大危機，他指只接連正負兩極，隨時着火燒機。葉師傅說：「全部零件都係兩年前iPhone 6 Plus的山寨件，係典型山寨機！」今次這部山寨機只重新造出無耳機位及雙鏡頭的機殼，底板與真iPhone的結構完全不同，「底板70元、喇叭5元、個殼5元、鏡頭都係20元……一個真iPhone嘅原裝mon都要700蚊人仔啦！」
■記者龔蕙芝