四川省係全國體育大省之一，但四年前嘅四川大地震，震散咗大量體育設施，香港馬會就耗資1.35億元，興建四川香港馬會奧林匹克運動學校，噚日學校終於開幕，馬會主席施文信到場主禮時，不忘落場玩返兩手騷吓quali。
身兼香港欖球總會主席嘅施文信，路經學校球場時，碰啱四川省女子欖球隊喺度操練，着西裝嘅佢即時落場交流兼「識女仔」，之後施文信又落場同其他國家體育總局副局長蔡振華打乒乓波。