當年今日
關於我們

【金像獎紅地氈】春嬌楊千嬅7吋高踭鞋爭啲仆:我重心喺前面

蘋果日報 2017/04/09 19:14

千嬅

春嬌楊千嬅今晚都應該出席金像獎紅地氈,足踏7高跟鞋嘅佢,拾級而上時亦爭啲仆親,現場見佢扭咗一扭,成個人震咗一震,大家都戥佢驚。但畢竟千嬅見慣風浪,上到紅地氈時回復淡地定笑容。
原來千嬅今日着咗對7吋高踭鞋,仲有千六萬嘅鑽飾,千嬅話﹕「今日我唔係千嬅,係以春嬌身份嚟。一陣會同余文樂一齊頒最佳女配角獎,會換多套衫同一套千一萬嘅鑽飾,重心都喺前面。」
問佢有冇收藏鑽飾?佢笑話﹕「冇乜,我男性荷爾蒙較強,收藏阿仔胎毛、臍帶、頭髮,呢啲比鑽石更重要,將來阿仔婚禮上面,我就會同大家分享番,唔怕俾唔夠料佢,等未來新抱知道我幾錫個仔,要好好對佢。」