「我哋天未光就企喺巴士站等，等到七點幾，又周圍咁搵都唔見有車到，打電話去問，竟然話佢哋已經喺落馬洲，叫我哋自己搭車去喎。」一肚子氣的陸小姐本打算與三名友人往碧桂園旅遊，豈料最終卻因旅遊巴的安排失當而致行程延誤，一行人大感掃興。
遍尋旅遊巴不果
經常往內地旅行的陸小姐，一向光顧廣旅運輸有限公司購買旅遊車套票，每次她都依照車票上列明的時間地點候車。
她說，去年聖誕節晨早六時多，她與三名友人，天未亮便陸續抵達車票上列明位於「太子」的車站候車。車票上列明開車時間為上午六時四十五分，他們遂到以往一向等車的地點，即近運動場道警署附近的車站候車。
叫旅客自行前往
陸小姐說，她們等到六時四十五分，有另外四人抵達車站，等候同一班車，但逾時仍未見旅遊巴的影蹤，他們於上址四出尋找。
由於當天為旅遊高峯期的聖誕節，車站泊滿開往內地的直通巴士，陸小姐與友人不厭其煩向每一輛旅遊巴上的司機查詢，惟最終未見開往碧桂園的旅遊車靠站。「我哋搵到七點搭二，跟番車票上嘅電話打去問，佢哋就畀司機個手機電話號碼叫我哋自己打去問，有位自稱係跟車嘅人話，佢哋已經喺落馬洲，叫我哋一係就自己搭車去皇崗，一係就等另一班喺晏晝十二點幾由將軍澳開出嘅班次咁話。」
25分鐘到落馬洲？
當時她與另外七人均感到相當驚訝及不滿，二十五分鐘可以由太子開到落馬洲？
眾人經商議後，決定不乘搭廣旅的巴士，並聯名向廣旅投訴及反映。陸小姐與三友人最後乘火車到深圳北上旅遊。「根本我哋都無得選擇，叫我哋自己去皇崗，咁我哋點識路呢？搵得車嚟都唔知幾點，佢哋另一班就要晏晝先開，到目的地都幾乎天黑啦。」