【馮仁昭四圍超】唐老鴨拉隊撐尾場
五月天賺錢養阿媽
蘋果日報 2018/05/15 00:00
台灣天團五月天嘅六場香港站演唱會，前晚喺迪士尼圓滿結束，適逢母親節，阿信呼籲五迷返到屋企要同媽媽講一句話，全場大叫：「我愛你！」阿信卻話：「不是這一句，是我零用錢沒有了，因為看了五月天六天！」
笑五迷買錯飛
阿信表示同石頭、怪獸同冠佑相處咗大約21年，大家互相鼓勵扶持：「我十多歲就出來打工，已經是自己賺錢，希望養到媽媽餘下的人生。」全場拍掌支持，阿信再話：「所以有些話回到家一定要跟媽媽說的。」之後佢突然哼咗幾句周杰倫嘅《開不了口》，現場跟住大合唱，阿信好奇問：「為甚麼你們要唱？」怪獸話：「你們要唱都是在心裏面唱，不要唱出口。」阿信又搞笑問五迷係咪買錯飛：「演唱會的OT時間，是不停唱周杰倫的歌……」
前晚尾場，米奇同米妮帶埋唐老鴨、高飛布魯托上台同五迷開心見面，雖然10點半完騷，但五迷唔肯走，仲唱出《米老鼠》同大叫「OT」，不過五月天未有再出場。
撰文：馮仁昭
前晚尾場，米奇同米妮帶埋唐老鴨、高飛布魯托上台同五迷開心見面，雖然10點半完騷，但五迷唔肯走，仲唱出《米老鼠》同大叫「OT」，不過五月天未有再出場。
撰文：馮仁昭
阿信（左）呼籲五迷返到屋企要同媽媽講一句話。