當年今日

職場慧眼:中BBA伏 - 張慧敏

蘋果日報 2013/05/07 00:00


「SON姐你好!我是科大的一名學生,近日看到一篇文章,看完有點無奈。個人意見是現今香港BBA太濫,一年過千BBA學生畢業,所以令競爭大,想聽聽SON姐的看法:
『其實讀BBA真係一個伏,想做未來top sales?你最多咪做個基金保險Financial Planner?你唔係以為你有機會一grad就走去同大老闆傾生意,賺幾十萬幾百萬Bonus?想做老闆?你識咩?Acct話就話有big4 offer,但又係幾十年非人生活。Finance個個以為自己係未來iBanker,結果?AIA、AXA、Convoy等緊你啊!Econ以後有咩出路?做嘢又唔知做乜!Marketing出嚟又係做到隻積咁!Management你估grad咗就可以做MT咩?IS(資訊科學)又有CS(計算機科學)又有CPEG(計算機工程學),你話你有乜優勢?Operation Mgt實用,點解冇乜人想Major?入到嚟基本上你已經中咗伏,惟有睇住Qfin(計量金融)、Gbus(環球商業管理)、Dual Degree(雙學位)、RMBI(風險管理及商業智能學)喺度笑騎騎話你戇X』」
講到濫,何止BBA?實情是在文憑量化寬鬆的今日,大學畢業生還是精英身份的證明嗎?講到競爭大,那些所謂「尖子精英」科目的畢業生,競爭會不大嗎?講中伏,Gbus大鑊過BBA多多聲,這可不是我說的,是他們的畢業生親口承認的,在大學一直自以為好勁非iBank不入?結果還不是一樣入retail賣保險理財?Qfin Dualer之所以令人有勁的感覺,是因為入得嚟讀的個個勤力肯讀書還有鬥心,結果出來搵工嘛,請參考以上Gbus!
講到捱講到辛苦講到出路講到有冇優勢,和讀BBA或者讀甚麼科目甚麼事?求生不是本能來的嗎?明知死路不是想辦法逃生,反而投訴沒有求生指示?日日把自己往死裏推,這種行為叫自殺又得,叫自毀亦得,自殺加自毀仲得!最要不得的,是這種思想心態!

張慧敏
http://www.facebook.com/HKcareerdoctor