有內地遊客投訴，最近來港到旺角豉油街一藥房購買大批貴價藥物，返回內地拆開包封時，發現全是平價藥品，懷疑在包裝時被調換，專程攜同藥品來港，向《蘋果》投訴，以討回公道。

居於深圳的葉先生夫婦稱，他們每年來港公幹數次。葉太表示，由於在香港購物較有保障，且貨品種類繁多齊備，她每次來港都會購買一批藥品返內地以自用或送贈親友。
葉太說，他們上周再來港公幹，其間途經旺角豉油街一間藥房，見招牌寫有「政府註冊」，認為可靠，入內購買藥油、救心丹及藥膏等藥物，共二千多元；當時只檢查部份貨品後便「原袋」拿走返內地。

救心丹變藥水膠布
葉太稱，他們返家拆開包裝盒，發現內裏藥品均被調換。「盒內嘅貨唔同晒，一盒六百幾蚊嘅救心丹，竟然變成一盒藥水膠布；一盒半打裝平安膏，只得兩樽；其他雖然齊，但無端端變成唔同牌子。我哋真係好震驚！」葉先生夫婦隨即帶同有關貨品來港，向本報投訴，盼討回公道。
「就算唔覺意放錯都唔可能全部錯晒啩，臨包花紙前佢哋都打開個盒畀我檢查內裏貨品，點知之後竟會轉換晒！」葉太稱，過去他們來港也會到相熟藥房購買藥品，今次途經該藥房，見門前貼有「政府註冊」字樣，心想理應可信賴便順道光顧，卻換來一肚氣。
「如果真係等啲救心丹救命，咪累死人？諗住我哋係遊客應該唔會返轉頭退換，好彩我哋住得近，隨時可以落嚟；如果住得遠，就無咁嘅機會。」
他們其後偕同一名香港親戚梁先生到藥房要求退換所有貨品。梁先生稱，當時店員支吾以對地說：「哦……乜入錯咗畀你哋咩？……」，並立即將有關貨品更換，葉先生夫婦點算清楚後離去。「雖然最終拎得返所有嘢，但都要將件事揭發出嚟，我哋已向內地傳媒反映；無非都係提醒大家，以免再有人中招。」