林子博今日帶同太太及一對仔女，去鑽石山荷里活廣場出席親子活動，提到長女林詠渝中一開學，派到第一志願何東中學，江美儀都在何東畢業，成為對方小師妹。

提到女兒步入青春期，林子博話：「太太擔心啲，我會叫老婆多啲搵個女同睇緊啲，因為我唔想做衰人。」但係讀女校又會唔會擔心個女戀上同性？林子博笑言：「咁驚男同學多過女同學，我都做過男同學，自己都係死仔包 。」林子博喺一對子女學前做好準備，長女升上中學原來教科書高達5,000幾蚊，要準備好教學基金應付未來。