黎明﹑汪圓圓同表妹湛琪清噚晚出席莎莎35週年活動，喺亞洲博覽館延開250圍。汪圓圓手上戴上未婚夫蔡加讚送贈嘅5卡鑽戒，真係好鬼養眼，汪圓圓話呢隻係求婚戒指，不過佢唔係太想講咁多求婚過程，只係簡單話：「總之好驚喜，感動到呆咗。」問佢會唔會仿效莎莎晚宴擺250圍及連擺幾日？汪圓圓就話：「唔知幾多圍，希望啲親戚可以飛嚟香港，不過如果連擺幾日驚狀態唔係咁好。」至於黎明噚晚繼續玩低調，喺秘密通道入場避開傳媒。