【本報訊】公開促請梁振英考慮請辭，因而被中央免除全國政協職務的自由黨立法會議員田北俊昨日繼續批評梁振英敵人多、朋友少，甚至指梁即使由沒有篩選的特首普選產生，「（佢管）香港一樣唔掂」，反而如果特首為人「有傾有講」，即使繼續由1,200人產生，香港還可以「管住先」。

「普選選到佢，一樣管唔掂」

田北俊昨日出席黨內一個活動時指，繼續無懼批評梁振英的人緣和管治問題。他指，梁振英的班底太弱，樹敵太多：「（梁振英）冇兵冇馬，我認為佢應該要多啲朋友、少啲敵人，但立法會議員中，呢個唔啱傾，你（梁振英）又唔睬佢，嗰個唔啱傾，你又唔睬佢，搞到泛民要搞不合作運動，令政府好難管治。」
不少人覺得香港若有真普選，政府管治問題便能改善，但田認為即使有真普選，如果特首依舊是梁振英，困局只會繼續，相反若人選好，即使小圈子選舉也無不可：「香港未來管治問題唔係有冇得普選特首、唔係有篩選定係冇篩選，如果冇篩選，但選咗位好似CY（梁振英）咁樣運作嘅（特首），一樣係管唔掂，掉番轉頭，就算繼續1,200人（小圈子選特首），但如果特首為人和諧啲、有傾有講，個個都畀佢一齊玩嘅話，我覺得香港都可以管住先。」
田北俊又指，中央要說服泛民支持政改方案並不難，因泛民每次立法會選舉中得票率均逾五成，換句話說，泛民乃是特首造王者，「即係泛民支持邊個人，嗰個人就會獲勝」。