噚晚播出嘅《博愛歡樂傳萬家》，卡士之「強」唔使講，連「魔鬼胸」蔚雨芯都係唱歌嘅……好彩仲有李克勤同薛凱琪頂住。其實噚晚仲有一個環節一定要睇——兩大樂壇「小巨肺」(又要大又係小)﹕G.E.M.同林欣彤(Mag)，同場獻技對唱三首歌。

噚晚播出之前，G.E.M.已經喺微博賣定廣告，叫大家記住睇，又表示兩人都好緊張，排練多時，Mag成日上G.E.M.屋企練歌，有次練到凌晨四、五點先走，可想而知幾大壓力。

有網民噚晚已經擺咗條片上網，俾各位自行評價。

撐G.E.M.﹕
「G.E.M.是真正懂得唱歌的女歌手。」
「M氏少女還是再多下苦功鍛練唱功，假以時日，也許會有GEM的70%的唱功。」
「Mag咬字好難頂，尤其唱《Listen》嗰時。」
「G.E.M.的唱功基礎遠遠優於M氏少女。」
「M氏少女的唱功根基未夠紮實，一定要多下苦功才能達到一級職業歌手的水準。」

撐Mag
「漿唱《戀愛大過天》都唔夠氣。」

兩邊都唔幫﹕
「阿G.E.M.有個人特色，但啲台風就…」
「阿Mag普普通通啦，好又唔係唔好，差就大把人差過佢。不過最後嗰段大家勁嗌好難頂。」

睇晒forum同YouTube留言，似乎都係撐G.E.M.嘅多。不過以下呢個留言，亦講得好啱﹕「兩位都唱得好好，其實唔好評論誰好誰差啦，點解香港人一定要正反評論每件事....」

亦有人話﹕「攞Twins嚟比，已經侮辱咗Gem&Mag。」佢兩個唱《下一站天后》，但大家都覺得，呢兩位下一站嘅天后，好聽過原唱嘅上一站天后。




「第八屆金話梅電影選舉」又嚟喇。今年除港產片有獎攞，仲增設「最爛合拍片」獎。栢芝憑四套電影入圍「最爛女主角」，應該冇得輸。大家快快投票啦，結果將於4月12日在《蘋果》娛樂版揭曉。

公投網址： http://facebook.com/AppleDailyGoldenPlum