「真係唔知有邊度可以幫到我!𠵱家拎住呢部用唔到嘅室內無線電話都唔知有乜用!」自歎倒楣的蔡先生向本報投訴稱,他上月在天水圍新北江商場一臨時流動攤檔,購買一套家居用品,價值三百八十元,包括一個花灑頭、一部剪鼻毛機、一具攪拌機、一支耳挖及一部室內無線電話,攤檔職員聲稱,室內無線電話能在地下與三十樓通話,聲明有一年保養。他見整套家居用品價錢合理,電話亦附有保用證,標明為「專業產品推廣貿易公司」,詳細列明地址電話,他相信是「穩陣」。
無線電話不能使用
他說,回家才發現室內無線電話是壞的,完全不能使用,他根據保用證上所列電話致電查詢,但長期接不通,故親身前往旺角該貿易公司要求換貨,但抵達後令他更驚訝。「有個男人話間公司﹙專業產品推廣貿易公司﹚喺月中搬咗,畀咗個手機號碼我,話可聯絡林小姐或陳先生。但我打極都無人接聽、留口訊又無人覆!」
記者發現該部室內無線電話及包裝盒上均沒貼有香港電訊管理局的認可標籤,即表示未獲電管局核准使用。「買咗啲非法嘢返嚟都唔知,喺呢啲流動攤檔買嘢真係好冇保障,佢哋周圍擺檔,可能每日都唔同;要追討就真係難過登天!」
否認曾售無線電話
記者致電有關聯絡人林小姐,要求更換室內無線電話,她答道:「明天擺檔喺牛池灣,如果係壞就嚟,我哋換!」當記者問其在旺角的公司是否已搬走時,她聲稱,「我都未上過去喎,唔知咁多㗎!佢哋有貨咪call我哋上去拎囉!」
次日,記者在牛池灣果然發現一間掛出「專業產品推廣貿易公司」招牌攤檔,並致電林小姐,表明身份及來意,但她稱:「我哋無室內無線電話賣㗎,淨係賣攪拌器,唔知你講乜!」
記者問她,為何前一日答應投訴人可到牛池灣其攤檔換貨時,她則支吾以對,更否認是「專業產品推廣貿易公司」。
「我哋公司係叫家俊,我都唔知點解投訴人會有我電話,你自己去番公司問!」記者指投訴人已沒其他求助途徑