【新增動新聞】
曼聯禮拜三晚喺英格蘭聯賽盃半準決賽俾布里斯托城淘汰出局，不過紅魔鬼領隊摩連奴認為呢支喺英冠排第3嘅球隊係因為有運先至贏波，摩佬喺短短兩分鐘嘅賽後記者會，用咗八次lucky、或者luck去形容布里斯托城贏波，到底摩佬咁講係乜嘢意思呢？

摩連奴喺記者會話：「我認為佢哋有運氣，佢哋有運，開紀錄前我哋有兩次中框，追平1:1之後我哋完全控制戰局，有最好嘅入波機會。然後佢哋喺一個我哋無機會反撲嘅時候入波，所以佢哋好有運。」

摩佬之後繼續講：「我哋梗係唔想加時，想90分鐘之內贏波，所以我先話佢哋有運之嘛。佢哋今場堅係有運，但佢哋好努力咁奮鬥先至會有運。有時候，你以為運氣會無端端出現，但其實運氣係因為你努力同埋有果份信念，先至會出現......所以，恭喜佢哋囉！」

--------------------
狂賀！BFB系列推出5周年，精彩活動為您安排，立即登入速享專屬優惠！ http://bit.ly/2xrTKGM