余香凝今午約3點會見傳媒，解釋最近嘅感情問題，佢澄清冇諗住去消費前度陳家樂，余香凝指自己最近工作好忙：「嚟緊我要去第二度做嘢，要離開香港一個月，舖頭月尾要開張，有好多嘢要處理，所以我選擇做完嘢就算幾夜都好，我都想配合佢哋去開會，上面有佢屋企人，有其他生意伙伴，所以絕對唔係得我哋兩個人，同埋我戥家樂成功好開心，所以希望大家畀空間我哋，專注事業發展。」

至於頭先講到嘅「冇辦法去達成一個共識」，是否指結婚？余香凝話：「想留番啲空間俾我哋。呢個係我哋一路以嚟嘅共識。」對於網民指佢拜金，余香凝稱：「我諗相信我、認識我嘅朋友就知道我絕對唔係。」

余香凝稱去Victor屋企時，其生意拍檔同家人都在，但傳媒卻拍到她在上址留宿，余香凝對此謂：「因為實在太多太多嘢要處理，月尾就有個opening。其實自己一路都冇諗過要出面嘅，咁所以呢件事係一直好秘密地進行，畢竟都係一個投資，有好多嘢要處理嘅時候我哋真係每一晚都喺嗰度開會，研究一啲嘢食。」即是過夜留宿？她點頭：「係有試過真係開通宵。」

咁同Victor是否拍拖？余香凝搖頭稱不是：「係朋友同生意夥伴。」此事爆出後，有否再同對方聯絡？她稱：「有同佢講唔好意思，因為佢真係一個圈外人被拉咗入去。我都有同其他生意partner講唔好意思，都驚影響咗間舖頭嘅所有嘢。」她又稱：「一路唔出面就係因為怕影響舖頭，但最後都搞成咁樣。」

精選娛聞，喺晒《娛果》
http://fb.com/appledailyent