今期（7月1日）第二場五班泥地1650米，「好運齊來」連續三場都無放頭，大前仗縮程跑1200米，唔夠快，還情有可原，上番1400米接連無用到最佳跑法，點會跑得好？

今次改爭泥地一哩，換利敬國抽1檔，睇勻全場，只得排外檔的「戈寶」與其跑法相近，除非慢閘，想放都放唔到，若唔係放得出，或跟在會力搶的「戈寶」之後。

這次上番一哩，難得抽1檔，快放馬又少，再諗唔到理由會唔爭取主動前置。

今場只有「駿協精英」、「向前看」、「生力軍」及「萬霸駒」識贏，缺點比缺點，「好運齊來」起碼唔係後追，況且季內跑過一次同程，既帶唔出，賽後又氣管多血，不確定唔適合跑泥地，有十幾廿倍，寧願博佢！

-----------------------------
7月4日起 《蘋果動新聞》只限升級壹會員閱覽
繼續撐蘋果！