土地供應專責小組主席黃遠輝領軍嘅土地大辯論，早前喺爭議聲中結束，由放風話收唔到局部粉嶺高球場，呢32公頃用地辣㷫唔少商界，八方都預告過好戲在後頭，果然商界接連發炮，先有林建岳發火話呀，居屋旁邊點做國際比賽呀？今日輪到岳少老友、全國政協常委唐英年登場，但唐唐一貫唔係開炮，而係笑笑口施柔功，寸爆「大辯論」變「大便」，認真重口味。

唐唐今日喺北京會傳媒，似乎飲到面紅紅嘅佢話呀，對政府局部收回高球場建屋好失望，話土地大辯論「係推卸責任嘅做法」，如同「我掉堆嘢出嚟（揀）」，「好似市民去茶餐廳揀飲料：加糖、唔加糖、加檸檬、加奶」，自言在任財政司司長嗰時，寫過4份財政預算案，當時都做過好多諮詢㗎，「一樣都係大辯論，但係我哋嘅大辯論，冇變成大便...」而佢自己講完，都忍唔住狂笑。

不過呢，唐唐好快就補充，呢件事唔影響佢對娥特施政嘅高度評價，大讚對方改善社會氣氛，施政好貼地。嗱嗱嗱，呢場大辯論根本就係娥特滿懷大志一手推動，唔知林鄭呢筆「蘇州屎」，對爭取工商界支持佢連任，有冇影響呢？

3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb