【威尼斯影展】狄高達真空激凸狙擊嬌嗲尊尼嫂
凸點真空AmberHeard威尼斯影展DakotaJohnsonJohnnyDepp尊尼狄普安芭赫德狄高達莊遜DianeKrugerElizabethBanks極黑勢力BlackMassScottCooperJoelEdgerton祖爾艾哲頓
尊尼與狄高達、導演Scott及男星祖爾艾哲頓一齊出席
第72屆威尼斯影展第三日,焦點落在今屆影展最有星味嘅尊尼狄普(JohnnyDepp)身上,佢主演嘅非競賽片《極黑勢力》(BlackMass)香港時間今日凌晨舉行首映,吸引咗唔少粉絲同傳媒到場,首映擠進近千名影迷,有啲人見到尊尼仲激動到喊。
尊尼帶咗靚老婆安芭赫德(AmberHeard)到場,安芭全程流露出對尊尼嘅愛意,不時傾向佢,相當嬌嗲。二人又不介意在人前咀嘴。尊尼亦冇忽略粉絲,喺紅毯上從頭走到尾幫眾人簽名,花了半個多小時,直到公關催促,佢先依依不捨走進戲院。佢喺事先舉行嘅記者會上稱影迷係「僱主、老闆」,仲表示非常感謝大家。
《極黑勢力》女主角狄高達莊遜(DakotaJohnson)就真空上陣,着咗條絲質粉紅色露背裙,不經意凸點,十分吸睛!電影導演ScottCooper同埋男星祖爾艾哲頓(JoelEdgerton)亦有一同出席,場面熱鬧。主競賽片兩位女評審戴安歌露嘉(DianeKruger)及伊莉莎伯班絲(ElizabethBanks)均盛裝出席。
《極黑勢力》改編真人真事,描述1970年代,FBI探員約翰康諾利請美國黑幫頭巴爾杰(James'Whitey'Bulger)做線眼,一同消滅意大利黑幫,約翰後來因此官運亨通,巴爾杰則在約翰的掩護下,率領冬山幫獨霸波士頓。尊尼飾演冬山幫老大巴爾杰,係美國史上最惡名昭彰的黑道份子。