騎師韋達傳聞下季轉向幕後發展，此位13屆冠軍成績每況愈下，棄騎從練嘅方向應該是明智之舉。

雖然如此，但見有部份馬主仍以馬匹對其加以支持，如今朝（26日）晨課由他出試的葉楚航馬房「狀元才」，以及大摩馬房「駿皇綵」，過往在其胯下均曾取得好成績。

講到周三（28日）谷中夜賽，韋達以上兩匹座騎，出試期間甚具睇頭。

今早約7點左右，第七場「狀元才」在大跑道考驗800米，課罷即見練馬師甫即撲入隧道接馬，並跟隨人馬步返沙圈。之後，大摩又捉住外號十三少的韋達再傾，似乎有料到。

而大摩馬房第四場「駿皇綵」，今晨則由韋達策騎往千八米草地起步點彈閘800米，大摩踩單車趕往該處睇馬，並於機坪守候人馬歸來再檢視，動態十分積極。