迎戰明年紅館個唱嘅欣宜，噚晚喺新城勁爆頒獎禮上拎到兩個獎，分別係勁爆女歌手：衛蘭、欣宜同王菀之；以及勁爆歌曲《你是什麼時候開始不愛我的》，欣宜在慶功宴上謙稱：「攞到兩個獎係非常不敢當嘅事，因為攞獎嘅時候，同台就係我好欣賞嘅女歌手，衛蘭同Ivana，所以覺得呢個獎係特別有意義。」

既然咁滿意張成績表，男朋友有冇同佢慶祝？呢，之前貼合照上ig嗰個男仔呢？欣宜沒好氣謂：「點解你哋到依家都認唔到佢嘅？佢係我中學同學嚟嘅，識咗好耐，好開心佢特登飛嚟香港同我慶祝聖誕。」下？點認呀？咁多個——朋友。而且你個post係寫住「Reunited on Christmas with the love of my life!」（於聖誕節與我生命中的最愛重逢），仲唔係想趁聖誕節公開戀情？（新聞連結： http://bit.ly/2pYMAuv ）欣宜依家就解釋俾大家聽：「Love係有好多解釋嘅，佢嗰種就係家人嗰種。」

咁呢個中學同學可有追求之意呢？欣宜就強調自己仲係單身嘅：「應該冇機會（發展）。」佢又話依家要專注醫好隻腳準備迎戰四月個唱，所以冇時間亦都冇機會同男仔傾偈，又講明今日因為要拍MV，所以出席唔到今晚嘅無綫《勁歌》頒獎禮。

更多娛聞，喺晒《娛果》
http://fb.com/appledailyent

【minigame】2017瘋暈人物 返工打機唔使擇日
http://bit.ly/2CeWQkP