【一曲歌手】新人何展睿自爆獲關心妍短訊加持 盡力做音樂
蘋果日報 2019/09/08 17:20
關心妍何展睿
（左圖攝影：卓寶花）
樂壇新人何展睿（Steve）今日在尖沙嘴宣傳歌曲《幸福的情歌》，他笑言不想做一曲歌手，同時分享將於10月推出的新歌《一個人…快樂》，Steve稱因自己是自資出歌，再加上曲、詞、編、監、唱都是自己負責，所以慳了不少成本。
適逢現今社會氣氛下出歌，成績或受影響，Steve稱已有心理準備，但亦希望帶給社會正能量，他說：「一定有呢類新聞，希望少啲紛爭，我都係分享緊愛畀大家。」而之前一輪街頭busking被迫延期，Steve說：「第一轉busking去咗尖沙嘴、銅鑼灣、旺角，第2次本來計劃到荃灣、屯門、葵芳，但團隊意見都覺得會唔順利，要延遲，再搵地方去做。」
Steve一直是關心妍（Jade）的fans，早前出席活動時更獲對方撐場，今次出歌Jade也有訊息鼓勵他，Steve說：「Jade近日都出咗新作，佢叫我要堅持，音樂難做，既然踏出第一步就盡力去做，我都做一啲有意義嘅事，例如帶學生去到不同機構演出探訪。」
採訪、攝影：卓寶花
何展睿（左二）今天宣傳歌曲《幸福的情歌》。
何展睿是關心妍的fans，早前出席活動時獲對方撐場。（資料圖片）