韓版《步步驚心》日前宣佈咗本周五開拍，並公佈咗男女主角由李準基同IU擔任之後，粉絲對於其他出演者都好關心，而今日韓國方面亦已有正式名單，名單同之前報道一樣，除咗李準基同IU外，其他演出者還包括姜河那、EXO嘅伯賢、南柱赫、洪宗玄、Jisoo等。

而為咗遵循原版片名「一步一步都很驚心動魄」嘅意思，加上韓版係以高麗時代歷史為背景進行戲劇改編嘅故事，所以決定將原本定名做《月亮的戀人》改為《步步驚心：麗》，以更加配合劇集嘅故事。

今次《步步驚心：麗》同樣因遷就內地審批及中韓同步播，所以採用先拍完後播嘅方式拍攝，而眾男演員都會共同飾演高麗太祖王建嘅皇子們。當中李準基就飾演四皇子；姜河那飾演八皇子；洪宗玄飾演三皇子；伯賢飾演十皇子；南柱赫飾演十三皇子；Jisoo飾演十四皇子。劇集預計今年下半年播出