千嬅接受訪問時顯得非常疲倦,她解釋囝囝前晚發燒所以沒有睡好,她說:「佢(丁子高)要傾生意,個仔發燒我哋要同佢睇醫生,半夜唔舒服嚇死我,個仔一病我就謝晒,又驚今日打風冇醫生睇,睇完醫生後先趕嚟活動。」她表示稍後還要繼續巡迴演唱直至年底,同時又要為電影宣傳,她說:「做完我要休息一吓,真係好攰,搞唔掂。想趕聖誕收爐,可以陪吓囝囝。」
千嬅覺得丈夫為人積極正面,會感染身邊人特別是自己。她又大爆丁子高經常不厭其煩作出提點,因為丁子高覺得千嬅長期處於甩漏狀態,經常將「要食飯、唔好勉強湊仔返學、唔好着彎底涼鞋、去銅鑼灣同中環要扮靚啲,俾人影到會影響啲客」掛在口邊,不過千嬅笑言會選擇性收聽,但明白老公是出於愛心,但丁子高對囝囝很有父親威嚴。當簽名會結束後,丁子高卻跟外母及囝囝一齊現身,令千嬅喜出望外。
採訪:卓寶花
攝影:陳俊強