穿過九龍塘又一城商場與城市大學校園之間的隧道,城大今年最新全球排名映入眼簾。校方在隧道的牆貼上城大在QS世界大學及亞洲大學等排名榜的「戰績」。謝永齡擔心,城大重視排名的方針會令教育失衡,「會搞到係研究主導教育,影響開科、收生……好似有啲科,例如話社會工作、研究本地音樂,呢啲外國期刊冇興趣嘅,大學係咪慢慢淘汰?一間大學,係咪始終教育先係最重要呢?」他強調,不少外國學者均指出相關的大學排名計算方法不科學、武斷、欠學術性。
城大學生會會長陳岳霖則形容,此類大學國際排名水份甚高、不可信,「最簡單,睇返城大同其他院校嘅入讀成績,啲排名其實係反映唔到收生情況」。他不理解亦不認同城大近年力谷排名的方針。
■記者葉偉東