韓國天團BIGBANG隊長G-DRAGON（GD）今年6月展開世界巡迴演唱會，世巡已接近尾聲，GD前日同噚日就喺日本東京巨蛋開騷，好兄弟勝利仲驚喜撐場嘉賓，令全場粉絲勁驚喜。

精通多國語言嘅勝利着住GD嘅紅色歌衫登場，GD仲為勝利整理歌衫，當中接近胸肌位置，勝利即鬼馬指GD想將勒成D Cup，又抵死話女粉絲一定明白，又叫粉絲唔好望住佢，笑爆全場。

而GD先後到日本三個城市舉行五場演唱會，合共吸引逾26萬名觀眾到場。完成巡唱後，BIGBANG將於11我展開「BIGBANG JAPAN DOME TOUR 2017 -LAST DANCE-」日本巡演，GD表示BIGBANG 喺示巡演結束後將會有好長嘅一段空白期，預告成員即將入伍。

另外，日媒報道BIGBANG嘅成員GD同太陽原本明年確定當兵，勝利同大成為咗令BIGBANG可以盡快整體回歸，亦計劃明年春天入伍，據報道指BIGBANG喺11月展開嘅日巡將會係成員喺入伍前最後一次喺日本活動，預計要到2020年先可以睇到BIGBANG完整回歸。