【體壇停擺】掛靴後專注青訓 世紀球星：教職業隊冇自主權
蘋果日報 2020/09/01 07:00
山度士足球學校體壇停擺晨曦世紀球星
山度士(左)開辦足球學校，並招攬前足球好拍檔陳發枝教小朋友踢波。 資料圖片
兩屆足球先生山度士在晨曦結束球員生涯後轉任助教，至08/09球季接替古廉權任主教練，可是領軍奪取聯賽盃後，從此絕跡職業足球，專注於運作車路士足球學校，他解釋在港教職業難有太多自主權，既已好頭好尾，就寧花多點時間在足校上，希望可與陳發枝及張志德等前港隊隊友，合作培育下一代。
車路士足球學校(香港)獲九龍醫院送贈紀念畫
山度士17歲出道，掛靴後首任教練即捧盃，更榮膺最佳教練，這位世紀球星笑言是好頭好尾，加上自己性格較固執，故完成該季後，就自覺是時候集中在足校工作上：「當年贏到聯賽盃，其實功勞係落場班球員而唔係教練，喺晨曦掛靴，又幫到球隊贏冠軍，該季仲當選最佳教練，基本上都贏晒，如繼續向職業教練發展就要繼續考牌，自己唔太鍾意入班房，所以同拍檔搞足校，目標係小朋友可以學到正統技術，亦可幫到一班前球員，自己覺得好開心。」
他指出，香港職業球員退役後沒太多出路，也沒保障，營運足校有能力聘請不少曾出生入死的戰友，培訓青年球員是很開心的事情。港車目前聘陳發枝、張志德、徐國安、羅偉志、羅繼華及岑國培等前港腳任全職教練。
山度士說：「香港球員掛靴後真係冇保障，有揸的士、開酒吧、三行，甚至搭棚，呢度可以等佢哋從事鍾意嘅教練工作，當然都要畀心機做啦，只要佢哋有能力就可以一直教。」
-----------------------------
《蘋果》英文版免費試睇：了解更多
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！