曾因銅纙灣書店事件被內地政府無理拘禁8個月，更被迫拍片認罪的銅鑼灣書店林榮基，昨日看過相信是官方故意漏出的劉曉波片段後，今日在立法會接受本報專訪時直指:「(大陸)同北韓有乜分別啫？一樣咋嘛，你折磨一個人差唔多瓜得，你先放佢」。

對於片段播出劉曉波獄中不同片段，林榮基直指，有關片段「好明顯係唔可靠，因為我都畀佢哋拍過，好多嘢只係剪輯出嚟，佢可以誤導，做到呢個效果」。林榮基又指，「我作為一個過來人、受害者，亦都經過呢啲嘢，佢係抽出來，刪咗好多，譬如佢(劉曉波)唔認罪時，有無庭審先？我哋唔知架喎，我（被拘禁時）亦拍過一啲假的庭審添，甚至搵個女警嚟扮證人，呢啲係我親耳目聞，唔係我作出嚟，姓甚名誰我都知」。

林榮基又指，中共今次處理劉曉波事件的做法，「真係折磨到你死，先畀你抖一抖口氣，同埋應該係蓄意去隱暪佢啲病情，到你無得救時先講出嚟，(中共的手法)都幾折墮架！」

對於劉曉波片段中讚揚囚禁他的人員關心自己，林榮基指，中共向來喜愛使用「黑面、白面」策略，但做法並不能改變中共違法辦事本質。林榮基認為，若海外輿論壓力夠大，中共或會選擇放人，否則再拖下去，劉曉波一旦出事，中共只會被世人譴責，「佢地要權衡個得失」。

林榮基又指，作為香港人，最希望是見到中共倒台，亦希望劉曉波能盡快到海外接受治療。林榮基批評，中共對待劉曉波妻子劉霞的手法是「無人道」，認為若劉曉波獲准到海外就醫，亦是一件好事，「喺個視頻都見到佢幾慘痛，雖然唔夠一分鐘」。

林榮基又指，劉曉波今次事件，反映「共產黨無改到，睇佢呢幾年的管治，由於佢嗰面管治越來越困難，所以管治越來越嚴厲」，一直收緊人民自由，認為中共管治只會更嚴而不會寬，「我睇未來香港都係，個趨向會係一直會壞」，包括政府可能就廿三條立法，又認為在內地人治社會下，政策寬緊只能視乎誰人掌權。

林榮基又特別點名批評「香港01」早前指中共處理劉曉波事件是表現「寬大」的社論，「我直頭反感添啦，01有乜理由咁寫嘢？你話(中共)寬大喎，你睇吓銅鑼灣書店，桂民海有無放吖？嗰個白頭婆(梁愛詩)仲嘔血，佢話仲透明咗，桂民海依家點情況？有乜透明呀？嗰啲嘢都無解決到，全部都係歪曲事實！」林榮基又批評，林鄭月娥指香港人不能挑戰內地法律，「依家係邊個派人過嚟香港執法、犯法啫？啲人的觀念全部調番轉的，好離譜！而家從上而下都係咁！」

對於有人慶祝香港回歸廿周年，林榮基卻認為香港近年是「淪陷」，「呢幾年(政府)已經管治到不知所謂」，指發生在他身上的銅鑼灣書店失蹤事件，正正反映中共破壞一國兩制和違返基本法，「你派人過嚟香港犯法，呢樣嘢係好嚴重」。對於習近平訪港，林榮基稱，希望習近平能確實遵守一國兩制，按基本法辦事，不要再釋法，讓香港人可以一人一票落實真普選。

林榮基又指，今年七一自己「肯定會」上街，指自己去年6月30日因被人跟蹤，生命受威脅才沒有參加遊行，今年則判斷中共若派人傷害他，對中共沒有任何好處，所以對上街遊行感到較放心，出外時亦會加倍小心。對於部分港人質疑7.1繼續遊行的意義，林榮基指，每次行動都不是立即能見到成效，「你做個麵包，都要畀時間佢發酵架，你無可能呢頭做完兩分鐘，就出個蛋糕畀你，呢樣香港人要心中有數」。