欠租金無米炊兩貧家獲助度難關
蘋果日報 2004/04/25 08:00
善長雪中送炭，令阿娟深受感動。- 阿強感激讀者伸出援手，助他一家三口度過困境。
「好開心，香港重有咁多人關心我哋啲單親家庭，大仔啱啱先搵到嘢做，𠵱家上個月嘅屋租重未交，收到呢筆捐款真係好意外，呢筆錢正好用嚟交租金雜費，其餘會留起做呢兩、三個月嘅生活費。」四十四歲的阿娟，接過記者轉交的捐款後淚盈於睫說。
阿娟育有三名現年分別十五歲、十八歲及二十二歲兒子，長子近月才覓得一份文員工作，其餘兩名兒子仍在求學階段。數年前，阿娟與丈夫仳離，生活頓失依靠，母子四口曾靠領取綜援金維生。其後，阿娟覓得一份兼職包裝工作，縱然月入不穩，但她堅持靠雙手自力更生，脫離綜援網。
早前，阿娟因開工不足，拖欠兩個月屋租，面對被房屋署迫遷困境，另僅以即食麵及白粥果腹，彷徨無助。蘋果日報慈善基金曾撥款一萬元，助阿娟清還欠租及水電雜費；近日她另接獲讀者捐款合共一萬一千三百元。
「我做兼職唔係成日有工開，惟有盡量慳，真係好希望搵到份長工，但自己年紀開始大、學歷又唔夠，好多時見咗工冇消息，希望遲啲經濟好轉、搵工都冇咁難。」阿娟歎道。捐款編號：C1268
「好衷心多謝咁多社會人士幫助，呢排我同太太申請緊公屋，希望將來派到屋，呢筆捐款就可以用嚟應付搬遷同裝修費，剩番嘅錢就留起做BB日後嘅生活使費。」阿強連聲感激地表示。
阿強任職裝修工人，與妻子及一名三個多月大兒子一起居住，月入僅足餬口。受經濟不景影響，他近年經常開工不足，早前更遭僱主拖欠薪金，多次追討不果，經濟一度陷入困境，一日兩餐有賴社區中心派發罐頭及麵粉果腹。
香港社區組織協會月前把阿強的求助個案轉介本報跟進，蘋果日報慈善基金曾撥款六千五百元，助他應付與妻兒短暫的生活費。
阿強的苦況經報道後，先後接獲不少熱心讀者捐贈奶粉、尿片及嬰兒衣服等物資，大大減輕其經濟負擔，日前，他另接獲讀者捐款合共一萬三千一百元，解其困境。
「喺我哋經濟困難嘅時候，全靠善長捐物資同錢幫忙，我真係唔知點多謝大家，希望將來屋企環境好啲，可以幫番其他有需要嘅人。」阿強由衷表示。
捐款編號：C1173
暖流熱線
電話:29908688
傳真:23702192
電郵:
網址：