港股跟隨美股回跌73點,恒發(097)私有化引發九倉系同樣行動嘅憧憬漸消退。九倉(004)跌20仙,會德豐(020)跌10仙。
吳老闆揸會德豐49%,會德豐街貨值59億元,銀碼好大,吳老闆私有化會德豐嘅機會非常細。會德豐揸九倉48%,九倉街貨值206億元,會德豐冇咁大嘅財力現金私有化九倉,若以新股私有化九倉,則吳老闆喺會德豐嘅持股量會攤薄到18%以下,所以九倉私有化嘅機會細過跑馬射蚊鬚。
儘管九倉同會德豐私有化嘅機會好細,兩隻股票若見回落,仍有吸納價值,相關Call輪亦可低吸。
會德豐輪得1件
九倉Call輪9190已屆末日,重有個幾禮拜買賣,現價8.5仙,溢價0.9%,槓桿率19倍,呢件上落好快。正股上落50仙,輪價會升40%或跌75%,未來幾日肯定大上大落。另1隻Call輪9476比較實際,明年6月到期,現價28仙,溢價3.3%,槓桿率5.8倍,可惜難買賣。
會德豐Call輪得隻9469,明年4月夠鐘,現價67仙,溢價5.3%,槓桿率8.4倍,數據唔錯,可惜交投更疏,雖依例有莊家開盤,但買賣差價太大。
章盛