現年34歲的孫慧雪最近榮升做「宅男女神」，她亦趁今年入行10周年，推出處女寫真集《Once》，以33C半裸寫真硬撼一眾𡃁模。
緋聞多多的阿雪，除了一直有傳她已有拍拖近4年的圈外男友Edwin Lo，之前又被指她與化妝品牌老闆楊振源頻頻約會，「市況」似乎不錯，惟阿雪日前出席活動，卻自稱dry足半年，暗示自己單身之餘，還表示她有一顆恨嫁的心，希望找到一個錫她及其家人的人，可惜未有追求者。

結伴遊泰國

不過，日前有讀者向本報爆料，指阿雪和Edwin Lo根本沒有分手，還爆二人於港島東區同居，今年5月還結伴到泰國旅行。讀者續爆料指Edwin家境富裕，對阿雪很好，故阿雪才不捨得放手，只是同時又不抗拒其他男士追求，一腳踏幾船。
對此，阿雪昨接受傳媒訪問時回應：「咁搞笑？感情嘅嘢我唔講喇，我呢排啲工作好忙，冇乜自己嘅生活，唔得閒諗呢啲嘢，𠵱家以工作為重。」問她跟Edwin是否拍過拖？阿雪則說：「我唔想講感情生活，加上佢又唔係圈內人，我唔想影響佢同佢屋企人嘅生活，所以冇乜嘢好講，總之多謝大家關心。」
採訪：唐琛悠