當年今日
關於我們

【李八方online】「長洲覆核王」維園外籌款 自爆稱曾因六四被軟禁

蘋果日報 2018/06/04 19:59

六四郭卓堅李八方

維園晚會外,籌款攤檔處處,今年包括埋有「長洲覆核王」之稱嘅郭卓堅。郭卓堅同八方講,因為無數嘅官司要繼續打但又無法援,唯有靠巿民捐款支持,希望今日「籌得幾多得幾多」,「其實呢個係一個無底深潭,政府日日都錯,我打得幾多(官司)就幾多啦!」,強調自己嘅家族一直喺香港生活,「我如果唔企出嚟為香港人講說話,仲有邊個肯呢?」
郭卓堅原來都因為六四身陷困境。佢話1989年六四發生之時,佢曾到北京聲援學運,並喺6月8日遭內地政府人員軟禁喺北京近一年,「佢哋成日話要槍斃我,要我交代邊個叫我上嚟(聲援學運),我話唔係,我係中國人,我就要出聲」,最終近一年後,佢話喺被軟禁嘅酒店偷走,北上經黑龍江、威海衛,最後喺蘇聯搭飛機返港。
對於有年輕人近年話不想再悼念六四,郭卓堅指因為佢哋唔承認自己係中國人,佢則覺得自己係中華民族嘅人,只係唔承認中共政權,「中華民族嘅人被人屠殺,我哋應該要一直紀念,一直要追究屠城責任」,話只要大家堅持拒絕遺忘,「(六四)終有一日都會平反」。