Eason讚妻女強人
城城愛Lynn內外兼備

蘋果日報 2011/02/23 00:00


郭富城與陳奕迅等昨日為新戲《全球熱戀》開鏡拜神,城城首次與劉若英合演情侶便出言大讚,還聲言愛感性與性感兼備的女人,但最後他還是補鑊公開稱讚緋聞女友熊黛林也是兩者兼備。陳奕迅也不執輸,趁機讚老婆徐濠縈是新世代女強人,更是內外兼備,兩個大男人都不怕骨痹。
郭富城、陳奕迅(Eason)、Angelababy及桂綸鎂昨在尖沙嘴出席新片《全球熱戀》拜神儀式,城城與昨日沒出席拜神的劉若英演情侶,Eason演清潔工人,會和有嚴重潔癖的桂綸鎂相戀,兩對情侶會有多場親熱戲。城城說:「一部浪漫、sweet嘅愛情戲,一定會有啲親熱戲,但唔係大家想像中咁。」
empty
郭富城讚緋聞女友熊黛林感性與性感兼備,認真識做。
empty
熊黛林
資料圖片
empty
Angelababy昨以趕飛機為由,在新戲開鏡儀式上來去匆匆。
讚性感又感性
城城首度和劉若英合作,已對她非常讚賞:「之前喺彭順個婚宴首次邂逅佢,覺得佢好感性,感情好飽滿,我會好投入喺印象中嘅佢度。」問城城為何會特別留意劉若英?他澄清說:「唔好講到咁敏感,做演員任何時候都要入戲。」再問是否為防女友熊黛林(Lynn)呷醋才澄清?城城說:「唔係,我只係講工作關係。」談到性感與感性的女人,城城不諱言身為男人兩樣皆愛,更公開讚Lynn兩者兼備,又說劉若英性感在骨子裏。
Eason受訪時多次講錯導演陳國輝為陳國強(無綫新老闆),即被取笑指想重返無綫,對此他說:「係咩?是但啦!我非常樂意同音樂有熱誠嘅單位合作。」談到與環球約滿,Eason說:「今日出新碟,仲有一隻碟要出,咁快講?真係冇乜新聞,不過啲新聞都去晒徐濠縈度,佢係新世代女強人,內外兼備。」
empty
(左起)陳奕迅、Angelababy、桂綸鎂及郭富城合作拍戲,應能擦出火花。
陳奕迅撐萬子
Eason又向導演力薦萬梓良(萬子)演其父親:「好鍾意佢喺《他來自江湖》演明天,好崇拜佢,唔覺得我似佢咩?不過佢頭髮厚過我,但我眼凸、眼腫又眼凶,真係幾似。」
另外,Angelababy早前被指接拍台灣電影《痞子英雄首部曲:全面開戰》後,因分心拍拖,經常請假,令戲份被刪,由女主角淪為配角,Baby的經理人在微博力挺她專業,但Baby昨避談此事,並以趕飛機為由不受訪。
採訪:魯萍
攝影:陳慧安