【劍擊】「無冕」返港哭成淚人 江旻憓自責唔配世界第一
世界第一劍擊重劍江旻憓無冕
重劍女將江旻憓日前於布達佩斯大獎賽32強爆冷止步,不過她受惠競爭對手去年積分逾期,得嚐世界第一滋味。江旻憓周二下午「無冕」返港,面對來訪傳媒,她五味雜陳,一提上仗失準即哭成淚人,連說「排名反映唔到實力」,只盼未來能以表現證明自己配得上一姐之位。
25歲的江旻憓今季勢如破竹,於古巴和巴塞隆拿站世界盃連下兩城,上月世界排名一舉由第七升至第二,世界排名積分以過去一年比賽成績計算,雖然江旻憓於布達佩斯大獎賽32強不敵16歲的東道主劍手早早下馬,積分維持不變,惟原一姐拿華利雅去年所得積分逾期,造就江旻憓以163分榮登世界第一。
日夜苦練終站上夢寐以求的世界之巔,江旻憓反哽咽連說自己不配成一姐,「我覺得我配唔上,我打得唔好,要更加努力先保持到。打得咁差真係好失望,我離心目中世界第一水平差好遠,有好多嘢要練。」她不滿自己狀態飄忽,每次奪冠後的一場賽事總是「發夢」,「好唔開心無從錯誤中學習,上次亞錦賽攞金牌世錦賽又發夢,古巴打完到多哈又發夢,今次係三次喇。」愛徒「榮升」第一,但江旻憓卻透露教練Tavi對其慢熱表現極光火,「今次係好好嘅教訓,排名反映唔到實力,教練好嬲,佢話排名是『nothing』,你都唔識打劍,打成咁樣!」
人在頂峯,江旻憓坦言排名如無形壓力影響心態,冀重拾年前克服左膝十字韌帶斷裂後重返賽場時享受劍擊的初心,「其實我真係唔應該理排名同分,上到第一心情好奇怪,呢樣嘢我一直好想要,但呢刻感覺好複雜。記得受傷後我好珍惜同享受有得打,成日提醒自己好好彩返到嚟;而家好返就反而諗排名,想要好成績。」
成都站世界盃將於本月尾舉行,江旻憓笑說「好快就有比賽,我打得好一定會開心啲。」競技場上日月在變,一場比賽過後榜上排名隨時又是另一番光景。劍擊之路漫漫,江旻憓自謙「心目中嘅世界第一一定唔係好似我咁樣!」,期待能學效世界第三、羅馬尼亞劍手彭斯古的從容與穩定,「佢好清楚自己同對手做緊咩,又控制到自己;我唔可以次次都係咁,我真係要努力練,做好自己。」
--------------------
《蘋果動新聞》4月訂閱新世代
壹會員尊享獨家內容
⇛立即免費登記: http://bit.ly/2TzFz0K
--------------------
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2VKESPM
--------------------
英超白熱大戰,強豪球星登場 BFB CHAMPIONS 2.0!11連抽扭蛋限時登場!達成目標即送保底 SP 球星扭蛋劵!
http://bit.ly/2BUtLvW
--------------------
《體蘋果》陪你睇波講波 https://www.fb.com/appledailysports
面對來訪傳媒,江旻憓五味雜陳,一提上仗失準即哭成淚人。