【同場冇合照】參加G-1格鬥 42歲麥家琪避開偽AV女麥紫莉 完全唔想提

蘋果日報 2017/09/13 16:28

麥家琪麥紫莉G1格鬥
    今日《G-1格鬥》記者會中，已為兩子一女之母嘅麥家琪，雖然係參賽者中最熟齡一個，但有打開拳嘅佢，身形比起其他人絕對唔輸蝕，不過當記者要求麥家琪同麥紫莉影合照時，麥家琪面露一絲不悅，隨即指自己要返入後台補妝，到再出嚟接受記者訪問，合照一事就不了了之。
    對於忽然復出幕前，參加拳賽，麥家琪就話：「其實都係想俾自己小朋友睇，有好多嘢係要堅持同努力。點備戰？都係練習咁啦，因為呢個禮拜有電影同其他工作，所以冇乜點練。」講到自己係8個參賽者中，年紀最大，會唔會擔心體力唔及其他人，麥家琪就話：「冇㗎，只係諗住當平時做運動咁，人打我，我咪打番佢囉。」
    問佢有冇睇上一季比賽，麥家琪話其實越睇得多會越驚，總之練習多啲，或者從食嘢入手。
    講到同場嘅麥紫莉Chili，麥家琪明顯避忌唔想講。講到識唔識對方，佢就提高聲調話：「咪大家都係姓麥囉。」記者笑二人身材都好時，麥家琪就話：「個個都好好，有啲有muscle同腹肌o忝。」
    empty
    (攝影：陳俊強)
    empty
    麥家琪講笑話自己冇信心比賽，只會當平時練習打拳一樣。
    empty
    麥家琪話唔會俾小朋友睇。
    empty
    雙麥最後都冇合照。
    empty
    empty
    從事特技人同動作替身嘅蔡嘉燕，睇身形一副戰鬥格。
    empty
    另外，之前參加過《美選DnA》嘅Happy Ma，身形都好fit。