林俊賢囡囡林鈺洧今日喺尖沙嘴為手錶品牌做模特兒，佢o依家間中會接Model工作，話唔想做太多，人變得好攰，狀態會唔好。而佢多數喺屋企下廚，佢話：「我最叻整中餐，Daddy太忙好少試食，反而男朋友食多，希望將來自己可以開餐廳。」

另外，林鈺洧都有興趣試下拍戲，想乜都試下，話都想同父親一齊做對手戲，佢話：「最好唔係做父女，情侶都唔好，做下老闆、員工，或者做對立對打都可以試下。」