松岡李那噚日去銅鑼灣宣傳寫真集,據知寫真集會印一萬本,佢希望可以全部賣哂。松岡好大方咁話,會送寫真畀曾經傳緋聞嘅張建聲同林德信,咁洗米華周焯華呢?松岡話:「 I want give him too ,如果有時間都想親自送畀佢哋,但係佢哋都好忙。」
模特兒久保杏奈(Anna)專登同好朋友松岡一齊由日本飛來香港出席活動,Anna仲即場買咗200本寫真集。松岡話:「我哋由日本返嚟航班delay,搞到要搭港鐵趕嚟。」寫真中最性感一幕係松岡喺戶外真空上陣用雙手遮胸,雖然最後寫真集冇出呢張相,但松岡話張相會留起做秘密武器。