曾盛極一時的Texwood萍果牌牛仔褲，時代洗禮下，已為懷舊系列服飾。70後市民李先生表示，「知道Texwood執笠好傷心，間舖開左好多年，自己細細個都有入過去買過嘢，咁多年行過都見佢，突然就執咗，係悲哀嘅！」他續指，大約70年代，仍然就讀小學的時候，Texwood算是一個大品牌，電視上的廣告多，街上面又多人穿着，加上剛剛推出的時候，牛仔褲價錢大眾化，不貴，幾乎全部百貨公司也有寄賣，所以好多人買，而自己第一條，就是在大大百貨公司購入。

他說，「Texwood初初着嗰陣算舒服，但大個識得選擇，同其他品牌比較之後，覺得啲款唔啱，之後就冇買，而且去到90年代，啲貨好貴，質量又追唔上，講緊一條賣到三、四百蚊，同菲林相機差唔多價，好唔抵。」近幾年經過，佢舖頭人流好少，多數都係國內遊客。

不過對於20多歲出頭的90後，對這個品牌感到陌生。市民朱小姐表示，「依家唔興牛仔褲！唔識Texwood，聽你講先知佢以前好紅，身邊嘅朋友完全冇講起過呢個牌子。」她說，自己喜歡穿着日本牌子的衣服，一般會去GU、UNIQLO購物。

記者 黃朗鈞
-----------------------------
【武漢肺炎】專頁
全民自救 抗疫資訊盡在《蘋果》
-----------------------
屬於香港人的移民攻略
立即登入【全球樓行】
Dream House零距離