白雪仙（仙姐）噚晚到高山劇場欣賞無伴奏音樂劇《大殉情》，推動香港藝術並支持今次創作團隊之一好友高世章，劇中會演唱粵曲、 時代曲及歌劇等。仙姐同友人一齊前來，現場仲有鄧達智，佢一見到仙姐，梗係即刻集郵影合照。

年屆九十仙姐精神奕奕，透露有能力一定要支持後輩，過往亦欣賞過同類音樂劇，會唔會想試下呢種演繹？仙姐話：「再唱都有心無力，年紀大，人哋都唔受我玩。」有冇人邀請復出唱曲？仙姐好幽默話：「有人邀請我好多謝，知道我幾老先得，真係睇老倌咩。」仙姐仲話依家閒時都冇唱曲，冇心癮。