鄧達智（William）於14年患上結腸癌，已切取腫瘤並已康復三年多，今次再經歷癌症，患上前列腺癌二期，不過今次多了同性伴侶陳梓欣（Clement）相伴，令他勇敢抗癌，笑言今次有伴侶照顧特別「冧」，現已成功切除腫瘤，並已出院回家休息。(新聞連結： https://bit.ly/2XVHz2R )

William與Clement去年6月在英國註冊結婚，新婚半年再患上癌病，由於他的不愛煩人性格，令他不敢對Clement透露病情，直至去年11月要到醫院例行檢查內窺鏡照腸時，才敢向對方告知病情，而本身是醫生的Clement隨即找名醫，在旁陪伴William進行治療。這一次抗癌過程，他有Clement陪伴，令他有不一樣的看法：「我都試過有啲朋友走咗，有風險，我全身麻醉8個鐘，唔係簡單，所以上一次有諗過，反正我都miss阿媽、阿嫲、家姐，我唔介意anytime要bye bye，係唔會遺憾；但係今次喺麻醉嗰陣多咗第二個想法，Clement有自由身，冇人因為另一個人而生存唔到落去，可能有另一個旅程等緊佢，唔擔心，不過呢兩個想法冇同佢講。」

手術過後，現正康復中，William表示更會活在當下：「感恩有呢啲moment，身邊有個人，過去從來冇呢啲感覺，雖然我有好多關心我嘅朋友。Besides有朋友親密關懷，嗰種屋企人面對，從來未試過，關懷係實際同感情兩方面都有，今次係感覺得到，佢會同我入院、出院，出院有幾困難？叫架的士就得，我可以四點幾出院，但係要等到佢七點幾嚟到陪我出院，係有啲嘢畀佢感覺到，兩個人一齊去面對一啲嘢，寧願等多幾個鐘等佢接我出院，係比較親暱嘅處理方法。」

現在，William留在家休養，不過不會因病而計劃與Clement同居，因為二人工作各有各忙：「因為我冇搬我嘅嘢去佢度，周末先會一齊過，平時夜晚一齊食飯。我嘅工作要畫嘢、寫嘢，好多嘢都喺自己屋企，好唔方便。」William表示除了有Clement關懷外，好多身邊朋友關心，更煮食給他，而他亦自訂了餐單：「每日輪流飲冬蟲草、花膠湯，另外係海參同松茸，補得嚟要清潤，要啖湯水，飲多啲水同出街行。」

-------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-------------------------
全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef