韓國型男玄彬夥拍女星朴信惠主演嘅tvN新劇《阿爾罕布拉宮的回憶》今晚就迎來大結局，噚日劇集播出第15集，可惜收視未有再創新高，微跌至9.004%。

噚晚一集講到玄彬一邊被警方追捕，一邊逃避到教堂，並於教堂完成遊戲任務，仲見到朴信惠於遊戲中「EMMA」角色，玄彬將天堂鑰匙交畀「EMMA」後，點知「EMMA」突然將鑰匙刺落去玄彬心口，仲顯示要刪除遊戲嘅bug，受傷嘅玄彬頂唔順決定放棄系統自我更新。

玄彬逃到酒店，點知已故死敵朴勳嘅父親金義聖嚟到，金義聖想借遊戲殺死玄彬為兒子報仇，點知反被遊戲中嘅朴勳殺死。而此時朴信惠失蹤多時嘅胞弟燦烈終於回來，佢話呢一年來匿埋喺遊戲內，直到有人破咗遊戲後先令佢逃出來。玄彬決定要刪除遊戲嘅bug，並再次去到教堂搵「EMMA」，又留低一句對白：「我嘅故事將會喺呢度結束。」令劇迷超級期待。

精選韓流，喺晒《娛果》
http://fb.com/appledailyent