卓林與Andi在整個訪問中都表現得好sweet，又攬又錫，兩個人食一支煙，兩個人飲一杯咖啡，兩個人食一條雪條。卓林輕鬆地說﹕「我哋習慣咗，乜都share。」

「愛愛愛」，卓林究竟愛Andi甚麼？兩人的視線彷彿永遠離不開對方，卓林望住Andi甜笑說﹕「咁你(記者)可能要畀我幾個鐘坐喺度講喇，哈哈。我鍾意佢所有嘢，full package喎。個樣？咁梗係靚爆鏡啦，同埋真係個人心地好。」

兩人年齡差距逾十年，問到是否當Andi是大姐姐？卓林說﹕「我哋成長過程同經歷好多相似嘅地方，所以我哋都係好情緒化，好多事發生都好hurt，所以搵到大家。在我情緒上，佢係非常幫到我，但我都有幫佢，in the end係雙方面。我好明白大家嘅睇法，19歲，你唔識諗，你衝動你唔清楚自己做緊啲乜，幾年後你哋就散㗎喇！(搖頭)No way，I know what I am do it.So(互望) she's like perfect.(笑)我唔知你想我點解釋啦。」

卓林與Andi於11月8日在加拿大多倫多結婚，並決定在香港定居，卓林強調結婚非一時衝動，因為她們所有事都能心領神會。結婚誓詞中「逆境、貧窮、疾病」，卓林和Andi都經歷過，還要面對街外人指指點點，尤其對待Andi的不友善態度，令卓林甚為心痛﹕「我試過幾次，佢哋見我係笑面口，但見佢就『咦』，咁我其實好hurt，呢個我老婆。其實我覺得大家對佢有個非常大嘅誤會，個個話佢教壞我，我教壞佢先真呀！哈哈，講笑啦！」

卓林曾在加拿大流落街頭，現在身上的錢亦不多。問到將來有何打算？二人同聲表示要開創作公司，希望能創一番事業。卓林說﹕「係instagram cooperation或者by project嗰啲嘢，我唔想自己喺屋企做project，跟住佢出去(打工)，我想大家合作，我哋嘅藝術代表咗我們嘅愛，我哋係富有創意嘅人，我哋想創作藝術。」

將來如果有經濟基礎，她們更打算領養小朋友，卓林說﹕「Andi照顧小朋友一流，以前覺得小朋友好麻煩，但見過佢同小朋友溝通及教育方法，令我對小朋友有一個新睇法。你知道世上有幾多小朋友需要一個家庭、好需要愛？我哋唔會製造更多嘅人，呢個世界已經擠滿人，我哋想接納別人，已經有太多小孩需要愛與家，我唔會自私地因為單純嘅想要一個迷你版嘅自己而生育。」

採訪﹕嵐山、黎沐風
攝影﹕陳俊強
攝錄﹕廖達燊、仇志中

精選娛聞，喺晒《娛果》
http://fb.com/appledailyent