國家主席習近平今午起訪港3日，警方認為恐襲風險頗高，保安提升至反恐級別，灣仔北一帶近日如水馬「圍城」。警隊昨在facebook上載片段解畫，又將政府經典宣傳片對白「落雨又有乜好怕喎」改為「水馬又有乜好怕喎」，不過網民似乎不受落，紛紛畀嬲，反問警方和習總「#香港市民又有乜好怕喎」。

警隊以「水馬又有乜好怕喎」為題上載片段解畫，稱「小編行過灣仔見到警察開始架設『水馬』（充水式屏障），咩事咁大陣仗呢？其實好簡單，咪係想大家能夠安全又順利咁慶祝香港特別行政區成立20周年囉！」不過網民紛紛留言鬧爆，部分留言相當精警。

【網民點睇】
Fai Chan：食屎啦 #香港市民又有乜好怕喎

Ho Ki Him：上聯：習總訪港；下聯：生人勿近；橫批：Shoot To Kill

Hugh Cheung Kam Ming 攪咁多嘢做乜？學北韓請茄喱啡，歡迎習總咪得囉！直情唔駛怕恐怖分子！#香港市民又有乜好怕 #習總嚟嚫都攪場大龍鳳 #霞姨有生意喇

Bob YK Tang：我祇會知道水馬封路護官，是將官民隔膜推至高峰，不須美化辯解，講完。

David Wu：勞師動眾，正一瘟神

97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk