一晚和朋友到大牌檔用晚餐，見到隔籬枱有幾名粗粗魯魯的地盤型大漢，大大聲，舉杯飲啤酒：「預告片話長今聽晚會醫好皇后啊，記住睇啊。」原本應該講波講女人的男人老狗，現在竟然講《大長今》講得入神，多感動！
《大長今》吸引觀眾之處，定必是每集片頭播出的長今精神。
「任何人都唔可以教我放棄，我係唔會放棄嘅！」這就是打不死的長今精神，剛好和我們理想中的香港精神不謀而合。相信破產及負資產人士會特別投入《大長今》的劇情。
上了七年但收視每下愈況的大阿董終於落了畫了。
「任何人都唔可以教我放棄，有需要，我自己識自動自覺放棄！」這就是打死了香港的大阿董精神。明顯，大長今勝大阿董一籌。

從這幾天鬧得火熱之人大第三次釋法事件中，市民可以隱約感受到香港新生之大蔭權精神。
還記得幾年前，大蔭權被上司出賣，被增設了的問責局長架空權力嗎？還記得大蔭權被放逐去打理香港清潔嗎？大長今絕對信任，絕對服從她的韓尚宮；大蔭權絕對信任，絕對服從他的北大人。大長今可以為韓尚宮犧牲；大蔭權可以為北大人犧牲。韓國有大長今，香港有在史上第一個同時兼任政務司司長及行政長官之大蔭權，他，就是港版大長今！
「北大人冇命令嘅話，任何人都唔可以教我放棄，北大人冇命令嘅話，我係唔會放棄嘅！」大家快一同學習大蔭權精神。