大台新劇《街坊財爺》，口碑不俗。「Ken哥」鄭則仕嘅「貴利王」，無論配「老婆」邵美琪、「細媽」苑瓊丹，抑或死對頭「警察」黎諾懿，都一樣有火花。據悉《街》最初的組合是鄭則仕、苑瓊丹及同樣年齡接近嘅張兆輝，為鐵三角，不過劇本幾經修改後，張兆輝對更新版興趣不大，最後推掉唔拍，改由黎諾懿頂上。

雖然兩個年齡層，但有網民話鄭則仕同黎諾懿估唔到有火花。相信這個要歸功鄭則仕。據悉屬主角的鄭則仕，拍攝時反而不時製造機會讓後輩突出，尤其同黎諾懿做對手，總為對方的戲份花心思度細節，務求有火花。甚至自己的場口拍罷，亦樂於留在片廠，繼續教戲，鄭則仕變相塞錢入後輩袋，黎諾懿呢個執二攤，絕對有賺。

9月2日起升級條件將更新 繼續每月撐壹仔 講真心話撐住我香港！